荷园社区居民委员会

大家好，今朝呢我搭大家讲一讲我 舅婆家个事体。我舅婆家呢，其实呢， 老老早弗是常州人，佗家呢，是 福建人。老老早呢，佗家有个祖先，勒福建做官。 佗勒福建做官个辰光呢，是一个 非常有正义感个官。就是 佗一脚看 就是官场个过种黑暗个情况呢，佗就弗写意。 后首来呢，有一垯，有一个人， 拿别人家杀落，但是呢鉴个杀人犯呢佗家里 势力相当大。就是用正常咾个 官场个手法，法律个手法么是弗好 我舅婆个祖先呢，就一气，就 拿佗捉出来判刑个。结果呢，我， 亲自拿过个人杀落咧。过么呢，佗自家呢也变成功杀人犯咧。 变成功杀人犯之后呢佗就 要逃咧。当时就是 逃亡么比现在是要容易则多咧。 佗当时就望北面逃， 一脚逃到常州。一脚逃到常州之后呢，因为呢，佗 勒福建个辰光也算大户人家。 佗逃到常州之后呢就勒常州东南边个礼嘉桥： 礼貌个礼； 嘉兴个嘉。 就定居勒礼嘉桥，佗勒礼嘉桥呢就 造则房子。 佗造个房子呢，一开始呢，过个房子呢，是特别高。 过个房子么特别高，是比常州城里个常州府 个衙门还要高。过么常州府么就 弗高兴咧哇。常州府弗高兴就派人 到乡下头拿佗个过个 房子 顶上，过个房顶掀落。 就是弗准佗个房子比常州府个衙门还要高。 结果么， 佗么也只好接受咧哇。佗勒常州定居之后呢，佗家家里勒常州买则地， 也变成功礼嘉桥个一个地主。 后首来呢佗家家里勒常州应该讲 混个还是比较好个。 佗家家里还出过武进县个县长。 过辰光个武进县呢也包括常州城里个。 所以呢佗家也算大户人家咧哇。 现在，当然么就搭过个平民百姓没底区别咧。