长兴路居委会

吾呐，是江苏海门人，今朝头呐，想脱大家讲讲吾俚葛墩箇美食。 第一种就是最有名箇海门山羊肉，海门箇山羊呐，应该是质量非常好箇。 乃末，吾俚葛墩厨师箇技术呢，应该也是一流箇，咯咾话非常箇有名，非常箇好吃。 像吾俚勒到屋里呐，就可以帮生箇葛种山羊肉拿到饭店里向。 让厨师加工加工，吾俚再拿回转喫，冬天喫一锅山羊肉，尔就弗会得感觉冷特。 第二种想要介绍箇呐，就是芋艿（读nina），或者话是香芋。 香芋箇味道比较像板栗，但是比板栗还要软点。 香芋有交关种烧法，香芋炖肉，香芋炖鸡。 香芋烧茶干，还有吾最喜欢箇清蒸芋艿。 吾俚葛墩有个乡叫万年，万年箇香沙芋呐，是最好箇香芋。 第三种想要介绍箇呐，是萝卜饼。吾箇高中是勒海门中学上箇。 吾俚高中后头呢，有条小吃街，葛墩有蛋饼啊，萝卜饼啊，还有(竹筒，待确认)箇粽子。 弗像吾乃来勒到北方上大学，拓是（thohzy，全部）烤冷面，（素作饼？待确认），煎饼果子葛种挺子。 吾还是觉得吾俚家乡箇小吃比较好喫，萝卜饼是油炸箇， 有点油，但是还是非常香箇。大家如果有机会到海门来白相箇话法 吾推荐尔特可以到海门中学后头葛墩去喫喫吾俚葛墩特色箇小吃。 第四种想要介绍箇是蛎蚜饼。吾俚葛墩有个乡叫东灶港。 旁边就是海，葛墩箇海鲜非常箇好喫。葛墩还有座山，叫蛎蚜山。 吾也弗晓得蛎蚜饼脱勒蛎蚜山还有何关系。 蛎蚜饼是绿颜色箇，特别香，呒得藕饼恁油。 大家可以去尝尝。实际上，吾俚葛墩箇小吃还有交关。 像芝麻馅箇汤圆啊，元宵节喫箇，还有河蟹。 还有一种叫甜芦稷，芦稷呐，就是像小点箇细点箇甘蔗。 但是比甘蔗喫出来要方便点，甘蔗葛种箇汁 淌出来就比较烦。还有呐，叫云片糕。 云片糕呐，就是别人家婚礼浪脱特喜糖放特一淘喫箇。