四楼村委会

启海话“旺yang3饭”就是烧饭，咯末，囔[哪样]倒“烧” 叫“旺yang3”了呢？首先，其个“旺yang3”就是普通话 “旺wang4、兴旺”，启海话书面语也念来差勿多。 念“旺wang3、兴旺”，但口语要念“旺yang3”。 比如“梅子鱼”，启海人呢叫侇“馒头鱼”，为了避讳 “霉”字，老一辈呢侪叫“兴旺鱼”。平常生活当中， 生意好叫“财运旺”，打牌总是赢揸好牌， 叫“手气旺”，大火熊熊叫 “火头旺”，太阳光强烈叫“日头晃wang3旺来啰”。其脱 普通话“旺”個意思一样是个形容词。乃侇形容词做动词用， 就变成“烧”個意思特，比如话“火势旺盛” 用口语来话“火旺出来了”与“火烧出来了” 表达非常相近了。其次启海方言文化当中“烧” 是一个“弗吉利”個字眼，一烧末什么都没有了，意味着灾难、 伤心。所以呢，只有祭祀故世個人还保留“烧羹饭、 烧忌日、烧纸钱、烧香磕头”，“旺饭旺小菜” 箇样子個人间烟火只能“旺出来”，弗能够 “烧来呒得”了呀。另外，“烧”，侇脱勒风骚個“骚” 同音，其勒了生活当中呢，也是一个“弗雅词”。吾俚平常 夸奖一个人擅长做菜做饭，一般会得话 “喔唷，尔就会旺来害历，旺恁多小菜。”但是弗会得话 “尔囔恁会烧個啦。”其就变了难听了。另外，箇个“旺” 吾俚现在一般读得比较马虎，脱勒太阳個“阳”、海洋個“洋” 也差勿多。其实，老一辈箇个“旺”有眼讲究， 吾来试试看，啊——“旺、旺饭”，“太阳、 海洋”，其之间有一眼细微個差别。一般地来讲 箇个“旺”，要拿韵母個ang脱勒ong 相互之间有个混和或者有个过渡——旺（ya_ong3）。