担山跟社区

大家好，我是个从小庉得上海个慈溪人。 话出来倒霉个，因为慈溪话平常辰光啾得则爹娘屋里话话个，所以我幺目杂个说话话弗大来，比我 上海话水平推板眼。今末头回上乡音苑个网站，就用我垯慈溪话讲讲事体，水平欠高交代弗过。前头两 日亲眷帮我介绍了个慈溪个小姑娘，格末前日仔正好礼拜日，我到慈溪来相亲嘛，横竖乃卯走跨海 大桥上海到慈溪嘦两个钟头够哉。约会个细节末弗话哉……我垯来到银泰 商场里碰头，到顶高头个爿港式餐厅里吃了餐晏饭，味道啦是欠好， 不过相亲末主要是来相人、讲滩头个，吃啥西也无觉。饭吃好仔到外头去 趤马路，到横边个解…解放街、天九街、三北大街趤了只大圈子回转来。 女小顽个趤马路劲道是好个，我走得着力煞哉尔家进出也弗大有个…… 两条商业街闹热是闹热个，不过我觉着团圈 是外户人，小顽多数也讲普通闲话哉，慈溪闲话也听大弗到哉。