渔业捕捞队村委会

大家侬好，吾是温州乐清侬，乐清虹桥其。 虹桥话呢，听起逮温州市区其话有眼差眼来 不过呢，基本其语法、发音、词汇沃是差弗多其 大家侬多听听就会听习惯亓。日呢，吾迭大家侬讲一个故事 也是吾自其故事。就是讲，吾做细逮吾二姹其故事。 吾嘅二姹呢，用吾妈其讲呢，就是讲“有眼差眼来” 普通话讲呢，就是弱智。虽然渠是弱智呢， 可是渠做细对吾好显好。吾逮渠感情也蛮好。 因为弱智呢，渠书也冇读，就是踞屋底嬉嬉吃吃。 吾做碎吾还祗五六岁捏界，渠应该十二三岁。 渠经常逮吾做队踞屋门头一个大显大其空地上嬉 空地上有多显来草生亓，无论何物其草沃有。许个时候， 我眙多显里亓中医老师给别人眙病其日界，沃是把草畀出囥底煎起给侬喝 我忖忖恁，中医师傅畀草煎起给侬喝，俫侬病马上好起肇 吾亦可以把唻草拔来煎起给吾阿姹呷， 吾阿姹其病可能也会好亓。许个时候呢， 反正吾门前有恁一片空地，草亦恁多，吾拔厘草来煎起给吾阿姹呷几厘好！ 吭（于是）吾就拔多显来草，无论何物草沃拔一遍 拔来拔来，拔来囥屋底煎。有一日呢，就吾逮吾阿姐做队走起拔， 渠无论何物沃晓弗得，吾讲何物，渠听何物。拔草！渠亦逮我做队拔！ 拔来多显多，总有一大袋。 一大袋其草拔屋底里囥底煎 煎起之后呢，水啊煎绿起，草其形状也煎冇爻 吭（于是）吾就把底角嘅水沥出，端起给吾阿姹呷。 吾阿姹么…无论何物沃晓弗得啊，渠亦快活显快活沃畀渠喝落。 结果呢，可想而知，当然亦没医好，不过喝落亦冇坏处 个是吾做碎其一件碎事干。 喔呢，吾阿姹还是一个差眼来其侬， 渠其生活嬉嬉趤趤，吾有晃亦眼红渠其生活，冇恁多烦恼。 吧