凡洋湖村委会

​小孩提读一年级個辰光呢， 就要期末考试哉。 伢爸搭吾讲， 倘若吾期末考试， 考一门满分就 奖畀吾一百洋钿压岁钿。 乃么吾就好好较读书， 到阿末来成绩报告单出来哉， 吾语文搭数学两门功课 考了双百分。 伢爸快活撒哉， 就奖畀吾两百洋钿。 吾拿搿两百洋钿 囥拉伢姆妈搭吾新买搿只储蓄罐里哉。 过了两日， 只储蓄罐破了個洞， 里面個钞票呒不拉哉。 吾寻了长远撒呒不寻到。 吾以为畀吾落掉哉， 热慕撒哉， 吓得来弗直敢搭伢爸讲， 又过了好几日， 伢爸问吾搿两百洋钿还有拉来弗啊， 吾吓得闲话啊侪讲弗出来哉。 乃么渠搭吾讲， 搿钞票老早畀渠拿去哉。 噶咾吾才晓得， 渠原来搭吾在掏鲜。 吾懑撒哉， 伢爸又重新还了吾两百洋钿， 又搭吾买了套新衣裳。 介歇大哉想想 小孩提还蛮好孛相矣。