大华街道

大家好，我是来自汕头浮陇乡其小谢。 今日，我爱佮大家学条阮乡里怹纪厝人其古，就呾古时阵，怹纪厝有个八房公。 到六十外岁还无丈夫囝，走囝(\"诸母囝\"合音)而就生有，遐伊有个走囝嫁在外砂处， 伊阿八房公就对簇遐田园佮地契拢伊侬许爿，嗒想呾家己食老无人饲，么就来咱其走囝处养老么也好。 有一日，伊去外砂处，到日昼阿孙就出来客厅，呾：“爱叫阿公来去食。” 阿八房公听了欢喜死，呾怎知阿孙而呾：“我么是叫我侬里其公，汝么是外口其许个公，人都毋是在叫汝尔。” 遐按此生阿八房公听了而怎拄会缀，伊许下旰转来，愈想愈气。 到此处下埔此处物搭渡其时阵，船顶有几个尼姑，咱遐旧社会其习俗呢，遇着尼姑就著让个位乞伊。 此阵阿八房公其位就让乞伊，阿尼姑就呾，“哦！此位老爷啊，睇款汝子孙满堂是过幸福啊！” 阿八房公听了火着，“呃！~我今年今年六十外岁还生无丈夫囝，去我诸母囝处，...” 我侬孙还爱喝我其数念呾我其外口，哇，汝侬嗒勿呾爽笑喏！” 簇尼姑听了就笑，共伊呾“诶！汝此次转去还爱生加八房处。”阿八房公听了个头青摇。 “我今年六十外怎还有变生？！”尼姑就呾“啊汝转去就知！” 呾来也奇，八房公转去到真实生了八房， 以后人就数念伊做八房公。好！今日就讲到此处，济谢大家。